Poet : Pir Syed Nasser-u-Dinn Naseer <br />Voice : Zia Anjum <br />www.FaceBook.Com/Xia.Anjum <br />=================== <br />Listen Or Download In Audio :- <br />http://www.mediafire.com/?04wbmmmwr43nnev <br /> <br />Youtube Link:- <br />http://www.youtube.com/watch?v=v5iifjYJ69E <br />=================== <br /> <br />Meri Zindagi To Firaaq Hai, Wo Azal Se Dil Main Makeen Sahi <br />Wo Nigaah-E-Shauq Se Door Hain, Rag-E-Jaan Se Laakh Qareen Sahi <br /> <br />Hamain Jaan Deni Hai Aik Din, Wo Kisi Tarah Wo Kaheen Sahi <br />Hamain Aap Khainchiye Daar Par, Jo Nahin Koi To Hameen Sahi <br /> <br />Sar-E-Toor Ho, Sar-E-Hashr Ho, Hamain Intezaar Qabool Hai <br />Wo Kabhi Milen,Wo Kahin Milen,Wo Kabhi Sahi, Wo Kaheen Sahi <br /> <br />Na Ho Un Pe Kuchh Mera Bass Nahin, Ke Ye Aashqi Hai Hawas Nahin <br />Main Unhi Ka Tha, Main Unhi Ka Hun, Wo Mere Nahin, To Nahin Sahi <br /> <br />Mujhe Bhaithne Ki Jagah Milay, Meri Aarzoo Ka Bharam Rahay <br />Teri Anjuman Men Agar Nahin, Teri Anjuman Ke Qareen Sahi <br /> <br />Tera Dar To Hum Ko Na Mil Saka, Teri Rahguzar Ki Zameen Sahi <br />Hamain Sajda Karne Se Kaam Hai, Jo Wahan Nahin To Yaheen Sahi <br /> <br />Meri Zindagi Ka Naseeb Hai, Nahin Door Mujh Se Qareeb Hai <br />Mujhe Uska Gham To Naseeb Hai, Wo Agar Nahin To Naheen Sahi <br /> <br />Jo Ho Faislaa Woh Sunaaiye, Use Hashr Par Na Uthaaiye <br />Jo Karainge Aap Sitam Wahan, Wo Abhi Sahi, Wo Yaheen Sahi <br /> <br />Unhen Dekhne Ki Jo Lou Lagi, To 'Naseer' Dekh Hi Lainge Hum <br />Wo Hazaar Aankh Se Door Hon, Wo Hazaar Pardah Nasheen Sahi
